იტალიის სერია A-ს მიმდინარე სეზონში ხვიჩა კვარაცხელიამ პირველივე შეხვედრაში საგოლე გადაცემა შეასრულა – შეცვლაზე შესულმა (61-ე წუთზე) ნაპოლის კაპიტანს, ჯოვანი დი ლორენცოს საგოლე გადაცემა გაუკეთა და გუნდს სამი ქულის მოპოვებაში დაეხმარა.
მიუხედავად იმისა, რომ ქართველმა მხოლოდ 29 წუთი ითამაშა, ხვიჩა კვარაცხელიამ მაღალი შეფაება მიიღო – Flashscore.com-ისგან 7,5 ქულა, Sofascore.com-ისგან – 7,4, ხოლო Whoscored.com-ისგან – 7.2.
იტალიური და ევროპული მედია ქართველი თავდამსხმელის წარმატებულ დაბრუნებას გამოეხმაურა.
footballnews 24 : კვარაცხელიამ შოუ დადგა
"ეს წლევანდელ სეზონში ნაპოლის მაისურით ხვიჩა კვარაცხელიას პირველი ოფიციალური მატჩი იყო, რომელშიც ქართველმა სწრაფად შეასრულა გადამწყვეტი როლი – მოედანზე შესვლიდან სამ წუთში დი ლორენცოს საგოლე გადაცემა მიაწოდა.
ხვიჩა კვარაცხელიამ ფროსინონესთან გასვლითი შეხვედრა გამოტოვა. სასუოლოსთან კი მოედანზე 61-ე წუთზე, პოლიტანოს ნაცვლად შევიდა და მხოლოდ სამი წუთი დასჭირდა ახალ სეზონში პირველი შედეგიანი მოქმედებისთვის – კვარამ დი ლორენცო მეკარესთან პირისპირ დატოვა და ნაპოლის კაპიტანმა ანგარიში 2:0 გახდა."
Marca : ოსიმენის და კვარაცხელიას დუეტმა ნაპოლის კიდევ ერთი გამარჯვება მოუტანა
"კვარაცხელიამ მოედანზე შესვლიდან სამი წუთის შემდეგ შესანიშნავი პასით დი ლორენცოს გოლი გაატანინა. ამ გამარჯვებით ნაპოლიმ აჩვენა, რომ წელსაც ჩემპიონობისთვის იბრძოლებს“.