"უცებ ყიფომ ფორთოხლით გოგოები ჭკუიდან გადაიყვანა.." - რევაზ ჩელებაძემ საინტერესო ისტორია გაიხსენა

ლეგენდარულმა ქართველმა ფეხბურთელმა, რევაზ ჩელებაძემ ჟურნალ “თბილისელებთან” ინტრვიუში დავით ყიფიანზე ერთი სასინტერესო და სახალისო ისტორია გაიხსენა, რომელიც რუსეთში მოხდა:

“ცოლები არ გვყავდა, ახალგაზრდები ვიყავით, გერმანიის ნაკრებთან თამაში გვქონდა და იქიდან მოსკოვში დაბრუნდით. მე, შოთა ხინჩაგაშვილმა და დათო ყიფიანმა საგულაოდ წასვლა გადავწყვიტეთ. ერთმა ქალმა საკუთარ სახლში მიგვიპატიჟა, სადაც კიდევ მისი ორი მეგობარი გველოდა. მოკლედ, 3-3 ზე ვიყავით. იმ სამიდან ერთი მარწყვივით გოგო იყო და სამივე იმას მივაჩერდით.

მაგიდაზე ხილით სავსე ვაზა იდგა. უცებ დათო წამოდგა, მოზრდილი ფორთოხალი ვაზიდან გადმოაგორა, ვერ მივხვდით რას შვებოდა ეს კაცი და უცებ ყიფომ გოგოები ჭკუიდან გადაიყვანა. ფორთოხლის კენწვლა დაიწყო, ხან კისერზე გაიჩერა, ხან მკერდზე, ხან თავზე. მოკლედ, საოცარი სანახაობა ჩაატარა, ბოლოს კი ეს ფორთოხალი იმ მარწყვივით გოგოს მიართვა. მე და შოთამ მართალია მარწყვი “ვერ შევირგეთ”, თუმცა ყიფოს საოცრებები ვნახეთ. მან ფორთოხლის აკენწვლის დიდებული გაკვეთილი ჩაატარა”. – იხსენებს “თბილისელებთან” საუბრისას რევაზ ჩელებაძე.