იტალიის ჩემპიონი ნაპოლი ძალიან მალე გაიფორმებს საფრანგეთის რეიმსისა და შვედეთის ნაკრების საყრდენ ნახევარმცველს, იენს კაიუსტეს, – წერს ფრანგული ინტერნეტგამოცემა Foot Mercato.
მხარეებმა შეათანხმეს 23 წლის ფეხბურთელის ტრანსფერი და უახლოეს საათებში კაიუსტე სამედიცინო შემოწმებას გაივლის, რის შემდეგაც კონტრაქტს მოაწერს ხელს.
2022-23 წლების სეზონში ნახევარმცველმა რეიმსის რიგებში 33 მატჩი ჩაატარა, ოთხი გოლი გაიტანა და ერთი შედეგიანი გადაცემა შეასრულა. შვედეთის ნაკრებში მის ანგარიშზე 15 მატჩია.