ნეიმარმა პარი სენ-ჟერმენს განუცხადა, რომ ამ ზაფხულს კლუბის დატოვება და სხვა კლუბის მაისურის მორგება სურს, ინფორმაციას ფრანგული გამოცემა L'Equipe-ი ავრცელებს.
წყარო ასევე სძენს, რომ 31 წლის ფეხბურთელს სურვილი აქვს დაბრუნდეს ბარსელონაში, იმ გუნდში, რომელიც მან 2017 წელს რეკორდული სატრანსფერო თანხის შემდეგ დატოვა. მაისში პსჟ-ს გულშემატკივრების მიერ გამართულმა პროტესტმა ბრაზილიელი თავის გადაწყვეტილებაში კიდევ უფრო დაარწმუნა.
ნეიმარი ფრანგული კლუბის ღირსებას უკვე ექვსი წელია იცავს
აღსანიშნავია ის ფაქტიც, რომ ფრანგული კლუბი ლიონელ მესიმ დატოვა, წასვლის გზას კილიან მბაპეც ადგას, ამიტომ არაა გამორიცხული პარიზელებმა ნეიმარი სასურველი წინადადების შემთხვევაში გაუშვან. თუმცა, მეორე მხარეს ესპანური გრანდი და ფინანსური პრობლემებია, რომელიც კლუბს სატრანსფერო ფანჯრის დროს აქტიურობის საშუალებას არ აძლევს.
შეგახსენებთ, რომ ნეიმარი პსჟ-ს 2017 წელს შეუერდა. ბრაზილიელი სუპერვარსკვლავის ანგარიშზე ამ დროის განმავლობაში კი 173 მატჩში 118 გოლი და 77 საგოლე გადაცემაა.