ქუთაისში განხორციელებული პროვოკაციების გამო , UEFA-მ სარაევო და მისი გულშემატკივარი დასაჯა - ინფორმაციას ამის თაობაზე ფეისბუქ გვერდი 90 წუთი ავრცელებს.
წყაროს მტკიცებით, კლუბი ჯარიმის სახით 15 000 ევროს გადაიხდის, ხოლო იმ შემთხვევაში, თუ სარაევო ევროტურნირებზე კვლავ მოხვდება, პირველ საკვალიფიკაციო ეტაპს გულშემატკივრის გარეშე ჩაატარებს.
შეგახსენებთ, ქუთაისის ტორპედომ კონფერენს ლიგის პირველ საკვალიფიკაციო ეტაპზე ბოსნიური სარაევოს ბარიერი პენალტების სერიაში დასძლია.