საქართველოს ნაკრების და ბელგიური გენტის ნახევარმცველმა, გიორგი ჩაკვეტაძემ შესაძლოა კარიერა ინგლისის ჩემპიონშიპში გააგრძელოს.
ინფორმაციას ამის თაობაზე ბელგიელი ჟურნალისტი საშა ტავოლიერი ავრცელებს და წერს, რომ 23 წლის ფეხბურთელი უოტფორდში ითამაშებს.
წყაროს მტკიცებით, გიორგიმ მეცის ლოდინის ფონზე გადაწყვიტა, რომ ინგლისში ითამაშოს და ფრანგულ კლუბს აღარ დაელოდოს - იწერება ისიც, რომ გენტსა და უოტფორდს შორის სიტყვიერი შეთანხმება უკვე შედგა, რაც იჯარას გამოსყიდვის უფლებით ითვალისწინებს.
ჟურნალისტის ინფორმაციით, ჩაკვეტაძე უკვე ლონდონშია და ამჯერად ტრანსფერს ხელს ვერაფერი შეუშლის.