იტალიური ლაციო მეცს გიორგი მიქაუტაძის ტრანსფერის თაობაზე დაუკავშირდა - ინფორმაციას ადგილობრივი ჟურნალისტი ჯანლუკა დი მარციო ავრცელებს და მისივე მტკიცებით, პირველი შეთავაზება უკვე გაკეთებულია.
შეგახსენებთ, აქამდე 22 წლის ქართველის სახელი პრემიერლიგაში ახლახანს აღზევებულ ბარნლის დაუკავშირეს.
რაც შეეხება გიორგის მეცთან არსებულ კონტრაქტს, მას ვადა 2026 წელს გასდის, გერმანულ Transfermarkt-ს კი ახალგაზრდა შემტევი 10 მილიონ ევროდ ჰყავს შეფასებული.