როგორც გერმანული გამოცემა Hamburger Abendblatt ირწმუნება, საქართველოს ახალგაზრდული ნაკრების ფეხბურთელით, საბა საზონოვის ტრანსფერით ჰამბურგია დაინტერესებული.
წყაროს მტკიცებით, გერმანული გუნდი მოსკოვის დინამოსთან აქტიურ მოლაპარაკებებს აწარმოებს და ყველაფერი დასკვნით ფაზაზეა - როგორც ჩანს, გერმანელები საბას სათამაშო ხარისხში დარწმუნებულები არიან, თუმცა ტრანსფერის განხორციელება ევროპის 21-წლამდელთა ჩემპიონატის დასრულებამდე გამორიცხულია.
შეგახსენებთ, რომ საზონოვსა და რუსულ კლუბს შორის არსებულ კონტრაქტ ვადა 2024 წლის ზაფხულს გასდის, ისე კი გერმანულ Transfermarkt-ს საბა 2.5 მილიონ ევროდ ჰყავს შეფასებული.
რაც შეეხება ჰამბურგს, ისინი გერმანიის ბუნდესლიგა 2-ში ასპარეზობენ და გასული სეზონი მესამე ადგილზე დაასრულეს.