რამდენიმე საათის წინ ოფიციალურად დადასტურდა, რომ ბარსელონამ მანჩესტერ სიტიდან ილქაი გიუნდოგანი შეიძინა.
კატალონიელებმა გერმანელ ნახევარმცველს კონტრაქტი 2025 წლამდე გაუფორმეს (დამატებით 1 წლის გახანგრძლივების ოფციით), მისი გამოსასყიდი თანხა კი 400 მილიონი ევრო იქნება.
როგორც ფაბრიციო რომანომ დაწერა, ბარსელონაში თამაში თავად გიუნდოგანის ინტერესებში შედიოდა და სწორედ ამიტომ დაბლოკა მან შეთავაზებები როგორც სიტისგან, ისე არსენალისგან და არაბული კლუბებისგან.
შეგახსენებთ, რომ გერმანელი ფეხბურთელი მანჩესტერ სიტიში 2016/2017 წლების სეზონიდან თამაშობდა.