მოგეხსენებთ, საქართველოს ეროვნული ნაკრები ევროპის ჩემპიონატის საკვალიფიკაციო ეტაპის მესამე შეხვედრაში სტუმრად, ძლიერი წვიმის ფონზე შოტლანდიასთან დამარცხდა.
ადგილობრივი მედია აღფრთოვანებულია სკოტ მაკტომინეის და მაკგრეგორის საქციელით - საქმე იმაშია, რომ სწორედ ამ ორმა მოთამაშემ მოახდინა ზეწოლა ქართველ ფეხბურთელებზე, მაშინ, როდესაც თამაში ძლიერი წვიმის გამო დროებით შეჩერებული იყო.
ყოველივე ამაზე talkSPORT-ის ჟურნალისტი წერს:
"მაკგრეგორის ნათქვამს აუცილებლად გაიგებდით, როდესაც მან ქართველებს მიმართა - "გინდათ საქართველოში ვითამაშოთ? ჩავსხდეთ ახლავე თვითმფრინავებში და წავიდეთ და იქ გავაგრძელოთ თამაში." - ეს ფსიქოლოგიურად ძალიან მაგარი მომენტი იყო", - წერს ჟურნალისტი.