იტალიის საკალათბურთო ჩემპიონატის ფინალში ვირტუს ბოლონია და ოლიმპია მილანო გავიდნენ, ფინალის პირველი შეხვედრა კი მილანელების გამარჯვებით დასრულდა.
სამწუხაროდ, თორნიკე შენგელიას გუნდისთვის წარმატებული არც მეორე მატჩი გამოდგა, რომელიც მილანმა 3 ქულის სხვაობით, 79:76 მოიგო და სერიაში უკვე 2:0 დაწინაურდა.
საქართველოს ნაკრების კალათბურთელმა პარკეტზე 28 წუთი გაატარა და საკუთარ გუნდში საუკეთესო შედეგი დააფიქსირა. მან ამ დროში 17 ქულა ჩააგდო, 5 მოხსნა მიითვალა და 4 პასი გააკეთა.
ცნობისთვის, ფინალის სერია 4 მოგებამდე გრძელდება, ვირტუს ბოლონიას კი ყველაფრის სასიკეთოდ შემოტრიალება შეუძლია, თუმცა ამისთვის მომდევნო მატჩი აუცილებლად უნდა მოიგონ, წინააღმდეგ შემთხვევაში ისინი უკვე ძალიან განწირულები იქნებიან.