ნაპოლიმ იტალიის ჩემპიონატში ერთ-ერთი ბოლო შეხვედრა გუშინ ბოლონიასთან გასვლაზე ითამაშა და მატჩი ფრედ, 2:2 დასრულდა.
მატჩის შემდეგ ლუჩანო სპალეტიმ დადებითი კომენტარი ქართველი ფეხბურთელის, ხვიჩა კვარაცხელიას შესახებ გააკეთა:
"რაც უფრო ხშირად ვხედავ ხვიჩას, მის ნიჭიერებასა და ტალანტში კიდევ უფრო ხშირად ვრწმუნდები. ის არაჩვეულებრივი მოთამაშეა, თუმცა მასზე მუდმივი ზეწოლაა და პასის გასაცემად თანაგუნდელების დახმარებაც საჭიროა."
"კვარაცხელია არის ფეხბურთელი, რომელსაც გუნდის სხვა წევრებისთვის სივრცეების გათავისუფლება შეუძლია." - თქვა სპალეტიმ