საქართველოს ეროვნული ნაკრებისა და მეცის თავდამსხმელი გიორგი მიქაუტაძე საფრანგეთის ლიგა 2-ის წლის საუკეთესო ფეხბურთელად დაასახელეს.
ამ ყველაფრის შესახებ ინფორმაცია ოფიციალურად ცნობილი UNFP-ის დაჯილდოების ცერემონიალზე გახდა. ცხადია, გიორგის საუკეთესოობას ყველა მოელოდა, რადგან ის თავისი გუნდის უპირობო ლიდერია და ბომბარდირთა დავას 23 გოლითა და 8 საგოლე პასით ლიდერობს.
გიორგის კონკურენტები ჯოშ მაჯა ბორდოდან, ჟან-ფილიპ კრასო სენტ-ეტიენიდან, ვიქტორ ლეხალი ლე ავრიდან და სხვები იყვნენ, თუმცა ქართველმა ყველას დამარცხება შეძლო და საკმაოდ პრესტიჟული ჯილდო მიიღო.
სხვათაშორის, თავის დროზე ლიგა 2-ის საუკეთესო ფეხბურთელის პრიზი ისეთ ფეხბურთელს აქვს მიღებული, როგორიც ოლივიე ჟირუ გახლავთ.
აქვე გეტყვით იმასაც, რომ UNFP-მა ლიგა 1-ის საუკეთესო მოთამაშეც დაასახელა და ის კილიან მბაპე გახდა.