როგორც ესპანური გამოცემა Defensacentral წერს, მადრიდის რეალის სკაუტი ნაპოლისა და მილანის შეხვედრას ხვიჩა კვარაცხელიას ფაქტორის გამო ესწრებოდა, თუმცა მისი გაოცება ბრაჰიმ დიასმა შეძლო:
"ბრაჰიმ დიასი მატჩის ერთ-ერთი გამორჩეული ფეხბურთელი იყო. მადრიდიდან ნეაპოლში რეალის სკაუტი ხვიჩასთვის დასაკვირვებლად ჩავიდა, თუმცა შოუ ბრაჰიმმა მოიპარა." - წერს გამოცემა
სხვათაშორის, ამავე წყაროსგან ცოტა ხნით ადრე კიდევ ერთი საინტერესო ინფორმაცია გავიგეთ. Defensacentral წერდა, რომ ხვიჩა ნაპოლისთან კონტრაქტს იმ შემთხვევაში გაახანგრძლივებს, თუ მისთვის რეალის კარი ამის შემდეგაც ღია დარჩება.