შემოგვიერთდით

"ქინქლაძის ცრუმოძრაობებმა მანჩესტერის ქომაგებს ძველი დრო გაახსენა" - The Sun ლეგენდების მატჩზე წერს

27-03-2023, 21:00

Aa Aa

გაზიარება:

გუშინ, გლაზგოში ლეგენდების მატჩი გაიმართა, რომელშიც მონაწილეობა ორმა ქართველმაც მიიღო, ესენი შოთა არველაძე და გიორგი ქინქლაძე იყვნენ.

სხვათაშორის, ამ უკანასკნელმა იმდენად დამაჯერებლად და მომხივლელად ითამაშა, რომ ცნობილმა გამოცემამ, კერძოდ The Sun-მა მას სტატიაც კი მიუძღვნა, გთავაზობთ მას:

"მანჩესტერ სიტის ლეგენდამ გენიალურად ითამაშა და გულშემატკივრებს ძველი დრო გაახსენა. გიორგი ქინქლაძემ შეხვედრის ერთ-ერთ ეპიზოდში ნიკიცა იელავიჩს გვერდი ოსტატურად აუარა და მეტოქე გაღიმებული დატოვა."

"ქინქლაძემ ის პერიოდი გააცოცხლა, როდესაც მას მოწინააღმდეგეთა ბარიერის გარღვევა ულამაზესი დრიბლინგებით შეეძლო, ამას 90-იან წლებში მეინ როუდის (მანჩესტერ სიტის ძველი სტადიონი) დამსწრე საზოგადოება რეგულარულად ხედავდა ხოლმე." - დაწერა გამოცემამ