"მადრიდის რეალმა კვარაცხელიასთან პირველი კონტაქტი დაამყარა" - Repubblica » სპორტის ხაზი

"მადრიდის რეალმა კვარაცხელიასთან პირველი კონტაქტი დაამყარა" - Repubblica

"მადრიდის რეალმა კვარაცხელიასთან პირველი კონტაქტი დაამყარა" - Repubblica
14-03-2023, 19:00
Aa Aa
გაზიარება:

იტალიური Repubblica წერს, რომ მადრიდის რეალმა ხვიჩა კვარაცხელიასთან დაკავშირება მოახერხა და ფეხბურთელის გარემოცვასთან პირველი კონტაქტიც დაამყარა:

"მადრიდის რეალი მზადაა ყველაფერი გააკეთოს ხვიჩა კვარაცხელიას შესაძენად უკვე მომავალი სატრანსფერო ფანჯრის დროს. ჩემპიონთა ლიგის მოქმედმა გამარჯვებულმა შემდგომი ნაბიჯების შესასწავლად ფეხბურთელის გარემოცვასთან პირველი კონტაქტებიც დაამყარა. კარლო ანჩელოტის მომავლის შესახებ ფლორენტინო პერესი გადაწყვეტილებას სეზონის ბოლოს მიიღებს, თუმცა ის უკვე ზრუნავს გუნდის მომავალზე და ამის ფარგლებში, ბლანკოსის ხელმძღვანელები ზაფხულის სატრანსფერო ფანჯარაზე 2001 წელს დაბადებული ვარსკვლავის შეძენის შესაძლებლობებს სწავლობენ. თუმცა, დე ლაურენტისი მისი ძვირფასეულობის დათმობას მარტივად არ აპირებს და 110 მილიონ ევროზე ნაკლებ შეთავაზებას საერთოდ არ განიხილავს."

"რამდენიმე დღის წინ, მისმა აგენტმა გაამხილა, რომ ხვიჩა კვარაცხელია ყოველთვის იყო გატაცებული მადრიდის რეალით და ადრეული ასაკიდანვე შთაგონებული იყო გუტის თამაშით. ეს იყო სიახლე, რომელმაც ვეტერანი მადრიდისტები გამოაღვიძა და ესპანეთში გადასვლის შემთხვევაში, ისინი კვარას თავის მაისურებს დაჰპირდნენ. მადრიდელების მიზანია, რომ მომდევნო სეზონში ვინისიუსი-ბენზემა-კვარაცხელიას სამკუთხედი შექმნან."
- წერს გამოცემა


კომენტარის დამატება
კოდის განახლება
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.


დღის ხაზი