"ხვიჩა ტოპი აღარაა...", - რუსული პრესა კვარაცხელიას მკაცრად აკრიტიკებს » SPORTLINE.GE - სპორტის ხაზი

"ხვიჩა ტოპი აღარაა...", - რუსული პრესა კვარაცხელიას მკაცრად აკრიტიკებს

"ხვიჩა ტოპი აღარაა...", - რუსული პრესა კვარაცხელიას მკაცრად აკრიტიკებს
24-11-2021, 16:26
Aa Aa
გაზიარება:

რუსულ პრესაში საქართველოს ნაკრებისა და ყაზანის "რუბინის" შემტევს, ხვიჩა კვარაცხელიას, მიმდინარე სეზონში წარუმატებელი თამაშის გამო აკრიტიკებენ. "ხვიჩა იქ იყო?" - დაწერა sportbox-მა "ცსკა"-სთან მატჩის შემდეგ. ხოლო გამოცემა liveresult-მა დაასკვნა, რომ ქართველი უკვე ტოპი აღარ არის. ქართველი ფეხბურთელის ამჟამინდელი მდგომარეობა ყველაზე ობიექტურად "ჩემპიონატმა" შეაფასა და მათმა ჟურნალისტმა, დმიტრი ზიმინმა, აგვისტოშივე დაწერა, რომ კვარაცხელია აუცილებლად უნდა წასულიყო რუსეთიდან ტოპ ლიგაში, თორემ ფატალურ შედეგებამდე მივიდოდა. ზიმინმა კვარას ცოტა ხნის წინ კიდევ ერთი სტატია მიუძღვნა ასეთი სათაურით: "აზრით ხვიჩა უკვე ევროპაშია. ახლა როგორ დაბრუნდეს რუსეთში?" 

ასევე "ჩემპიონატის" ჟურნალისტმა, მიხაილ როჟდესტვენსკიმ, რუსეთის პრემიერ ლიგის პირველი წრე შეაჯამა და კვარაცხელიას ჩავარდნაზე გაამახვილა ყურადღება.

 "სპეციალური სიტყვა კვარაცხელიასთვის, გასულ სეზონში გამოჩნდა ბიჭი, რომელმაც თავისი თამაშით ყველა გააოცა და "რუბინი" მზად იყო ის ორი ათეული მილიონის სანაცვლოდ გაეყიდა. ზაფხულში კი ხვიჩა ტრასფერთან ძალიან იყო, მაგრამ ყველაფერი ჩაიშალა, რამაც ფეხბურთელი დაანაღვლიანა. მან ძალიან მოუკლო და იმის მაგივრად, რომ განვითარება განეგრძო და თავისი ფასი აემაღლებინა, საკუთარ აჩრდილად გადაიქცა, რამაც "რუბინის" შედეგებზე ძალიან იმოქმედა. კვარაცხელიას 12 მატჩში მხოლოდ 2 შედეგიანი მოქმედება აქვს და ისი მარგი ქმედების კოეფიციენტი ძალიან დაბალია. მას ძველის ფორმის დასაბრუნებლად შანსი ისევ აქვს, მაგრამ ასეთი ხვიჩას ყურება ძალიან საწყენია." - წერს როჟდესტვენსკი.

დაახლოებით იგივე შინაარსის სტატიები მიუძღვნა კვარაცხელიას "სპორტ-ექსპრესმა" და euro-football-მა. ისინი დასძენენ, რომ ქართველ შემტევს ზაფხულში ჩაშლილმა ტრანსფერმა გული აუცრუა და ახლა უკვე დაბალი შედეგიანობის მქონე ხვიჩაში 20 მილიონის გადამხდელი არავინაა. რუსულმა გამოცემებმა არ ახსენეს კვარას მიერ შვედეთთან შესრულებული დუბლი, რომელმაც მთელი მსოფლიო ისევ აალაპარა უნიჭიერეს ქართველ ფეხბურთელზე.

კომენტარის დამატება
კოდის განახლება
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.


დღის ხაზი