ლა ლიგის მომდევნო ტურში გიორგი მამარდაშვილის “ვალენსია” “ბარსელონას” დაუპირისპირდება. როგორც ირკვევა კატალონიელთა წინააღმდეგ, “ღამურების” ქართველი მეკარე შავი მაისურით ითამაშებს, რომელიც სპეციალურად ამ მატჩისთვის შეიქმნება.
ამ ყველაფრის მიზეზი შემდეგია - “ბილბაოს” ინიციატივით ყველა კლუბმა გამორჩეულ მეკარეს, ხოსე ანხელ ირიბარს პატივი უნდა მიაგოს. “ვალენსიაც” ამ წინადადების თანამონაწილეა.
მიმდინარე სეზონში “ვალენსიას” მეკარის მაისურის ფერები მწვანე, ნარინჯისფერი და წითელია, შავი სპეციალურად ამ მატჩისთვის შეიკერება.