ჩემპიონთა ლიგის მერვედფინალური ეტაპის პირველ მატჩში “მანჩესტერ სიტი” “ლაიფციგს” ესტუმრა. ბევრისთვის მოულოდნელად “ქალაქელებს” გაუჭირდათ და მატჩის ანგარიში 1-1 სრულიად ლოგიკური იყო.
შეხვედრის დასრულების შემდგომ “სიტის” მთავარმა მწრვთნელმა, პეპ გუარდიოლამ ჩატარებული მატჩი შეაფასა:
“კმაყოფილი ვარ მთელი თამაშით და არამხოლოდ პირველი ტაიმით. ეს არის ტურნირი, რომელსაც ბევრი ძლიერი გუნდი გამოეთიშა. თუ ხალხი ჩვენგან ელოდა, რომ აქ ჩამოვიდოდით და 0:4-ს მოვიგებდით, ვწუხვარ, ჩვენ ამის გაკეთება არ შეგვიძლია.”
განმრორებითი დაპირისპირება ინგლისურ და გერმანულ კლუბებს შორის 15 მარტს “ეტიჰად სტადიუმზე” შედგება.