დღეს, ჩვენი დროით 21:00 საათზე "ბარსელონას" სარეზერვო გუნდი "მურსიას" დაუპირისპირდება.
რასაკვირველია, მატჩამდე ორივე გუნდმა საკუთარი განაცხადი დაასახელა. აღსანიშნავია, რომ "ბარსელონა ბ-ს" განაცხადში მოხვდა 16 წლის მეკარე, რომელსაც ქართული წარმოშობის გვარი აქვს, თუმცა უნგრეთის მოქალაქეა, - ეს არონ იაკობიშვილია.
ცნობილ საფეხბურთო ვებსაიტს, კერძოდ "transfermarkt-ს", არონ იააკობიშვილის ოფიციალურ დაბადების ადგილად ბუდაპეშტი აქვს მითითებული. ამჯერად, ის "ბარსელონას" U18-ის გუნდში ირიცხება და კლუბთან კონტრაქტი 2025 წლის 30 ივნისამდე აკავშირებს.