დინამო ბათუმის რიგები მორიგმა ფეხბურთელმა დატოვა - 28 წლის გიორგი ფანცულაია კარიერას ყაზახურ აქტაუს კასპიში გააგრძელებს.
ფანცულაიამ ბოლო ორ სეზონში აჭარულ გუნდთან ერთად ჩემპიონობა და ვიცე-ჩემპიონობა იზეიმა.
"ქართველმა თავდამსხმელმა გიორგი ფანცულაიამ ჩვენს გუნდთან გააფორმა კონტრაქტი. კარიერაში მან 85 გოლი გაიტანა და 17 საგოლე გადაჩემა შეასრულა. კეთილი იყოს შენი მობრძანება ჩვენს ოჯახში, წარმატებებს გისურვებთ!", - წერია ყაზახური გუნდის განცხადებაში.
ცნობისთვის, ცოტა ხნის წინ, კასპის გუნდის მთავარ მწვრთნელად ქართველი სპეციალისტი, კახა ცხადაძე დაინიშნა.