'ამაზე ნაკლები წელი არ გვქონოდეს ქართველებს' - ილია სულამანიძის და ლაშა გუჯეჯიანის პირველი კომენტარები სამშობლოში დაბრუნების შემდეგ

20-22 დეკემბერს ძიუდოში წლის მთავარი მოვლენა იერუსალიმის მასტერსი გაიმართა, სადაც საქართველოს ნაკრებმა გათამაშება 2 ოქროს და 1 ბრინჯაოს მედლებით დაასრულა.

მსოფლიო ჩემპიონატის მოგების შემდეგ, მორიგ წარმატებას მიაღწია ტატო გრიგალაშვილმა, რომელმაც რეიტინგში ( - 81 კგ) ადგილი კიდევ უფრო გაიმაყარა.

ძიუდოისტები სამშობლოში რამდენიმე საათის წინ ჩამოფრინდნენ, აეროპორტში კი ილია სულამანიძემ და ნაკრების მთავარმა მწვრთნელმა, ლაშა გუჯეჯიანმა მედიასთან კომენტარი გააკეთეს.

ილია სულამანიძე: "იერუსალიმის მასტერსი რთული გათამაშებაა, რადგან მსოფლიო რეიტინგის პირველი-32 კაცი იღებს მონაწილეობას, რომლებიც მთელი წლის განმავლობაში ფაქტობრივად საუკეთესოები იყვნენ. მადლობა ქართველ გულშემატკივრებს მხარდაჭერისთვის და სიყვარულისთვის. მათ დადებით ემოციებს ყოველთვის ვგრძნობ"

ლაშა გუჯეჯიანი: "ახალი ჩემპიონები გვყავს. ეს არის ქართული ძიუდოს ბედნიერება, სიმდიდრე, რომელიც ყველას ახარებს რა თქმა უნდა. იმედი მაქვს, რომ საქართველოს ამაზე ნაკლები წელი არასდროს ექნება."