ხორვატიის ნაკრების და სელტიკის მარჯვენა მცველმა, იოსიპ იურანოვიჩმა მსოფლიო ჩემპიონატის 1/2 ფინალურ ეტაპზე არგენტინასთან მატჩზე ისაუბრა.
27 წლის ფეხბურთელის თქმით, ხორვატებს არგენტინელების არ ეშინიათ, რადგან საიმედო ნახევარდაცვის ტრიო ჰყავთ:
"არგენტინის არ გვეშინია, რადგან ლუკა მოდრიჩი, მარსელო ბროზოვიჩი და მატეო კოვაჩიჩი გვყავს. ვფიქრობ, მათთან ბურთი მეტად უსაფრთხოდაა, ვიდრე მაგალითად, ბანკში ფული", - თქვა იურანოვიჩმა ხუმრობით.
ცნობისთვის, არგენტინასა და ხორვატიას შორის გასამართი მატჩი 13 დეკემბერს, თბილისის დროით 23:00 საათზე გაიმართება.