"არ ვფიქრობ, რომ ნაპოლის ჩვენთან შეხვედრა გაუხარდა" | აინტრახტის სპორტული დირექტორი

25-12-2022, 18:00

Aa Aa

გაზიარება:

როგორც იცით, ხვიჩა კვარაცხელიასა და მისი ნაპოლის 1/8 ფინალური მეტოქე ჩემპიონთა ლიგაში ფრანკფურტის აინტრახტი იქნება. აღნიშნულ წყვილთან დაკავშირებით, კომენტარი გერმანული კლუბის სპორტულმა დირექტორმა გააკეთა:

"დარწმუნებულები ვიყავით, რომ ამ სტადიაზე ძლიერი მეტოქე შეგვხვდებოდა, ნაპოლი კი სწორედ ასეთია. ისინი ბრწყინვალე სეზონს ატარებენ და მათთან დასამახსოვრებელი მატჩები შედგება. საერთოდ არ ვფიქრობ, რომ მათგან დაუფასებლობას ვიხილავთ, თუმცა იმასაც ვიტყვი, რომ ნაპოლის ჩვენთან შეხვედრა ნამდვილად არ გაუხარდებოდა." - მარკუს კრიოშე.

ცნობისთვის, ფრანკფურტის აინტრახტისა და ნაპოლის პირველი 1/8 ფინალური დაპირისპირება 22 თებერვალს, ღამის 12 საათზე გერმანიაში შედგება.