იტალიის სერია ა-ს მე-7 ტურის შეხვედრაში, ნაპოლი სან სიროზე მილანს ესტუმრა და მეტოქე მინიმალური სხვაობით 1:2 დაამარცხა.
შეხვედრის 54-ე წუთზე, კვარაცხელიამ ბრწყინვალედ ითამაშა და ნაპოლის მორიგი პენალტი მოუპოვა, რომელიც პოლიტანომ გოლად აქცია.
მატჩის დასრულების შემდეგ, პოლიტანოს ჟურნალისტებმა პენალტზე ჰკითხეს, თუ რატომ დაარტყა ის მან, რაზეც იტალიელმა შემტევმა უპასუხა:
"ძალიან კარგი და შეკრული გუნდი ვართ. კვარაცხელია უძლიერესი მოთამაშეა, რომელიც თამაშიდან თამაშამდე კიდევ მოუმატებს.
რატომ დავარტყი პენალტი მე? - ვერ წარმოიდგენთ თუ როგორ მინდოდა იმ მომენტში პენალტის დარტყმა, ვერავის დავუთმობდი", - განაცხადა პოლიტანომ.