შემოგვიერთდით

ალეგრი "მილანში" ბრუნდება? – იტალიური მედია ტრანსფერის დეტალებს ასაჯაროებს

30-05-2025, 00:24

Aa Aa

გაზიარება:

იტალიური მედიის ცნობით, მასიმილიანო ალეგრი მზად არის, ისევ ჩაიბაროს "მილანი". როგორც Sportmediaset იუწყება, 57 წლის სპეციალისტი "როსონერისთან“ სამწლიან კონტრაქტს გააფორმებს.

მთავარი დეტალები:

შეთანხმების მიხედვით, ალეგრის წლიური ანაზღაურება 5 მილიონ ევროს შეადგენს;

ბონუსების გათვალისწინებით, ხელფასი შესაძლოა 7 მილიონამდე გაიზარდოს.

ალეგრის წარსული მილანში:

მაქს ალეგრი „მილანს“ უკვე წვრთნიდა 2010-2014 წლებში. მისი ხელმძღვანელობით კლუბმა სერია A-ს ტიტული და სუპერთასი მოიგო (2010/11 წლების სეზონში).

ბოლო გაჩერება – იუვენტუსი:

ალეგრი ბოლოს ტურინის იუვენტუსს წვრთნიდა (2014–2019 და 2021–2024). ამ პერიოდში გუნდმა 11 ტიტული მოიპოვა და 2-ჯერ გავიდა ჩემპიონთა ლიგის ფინალში, თუმცა ტიტულის მოპოვება ვერ შეძლო.

კონტრაქტის ოფიციალურად გაფორმება უახლოეს დღეებშია მოსალოდნელი. "მილანში" დაბრუნების შემთხვევაში, ალეგრის მთავარი ამოცანა კლუბის ჩემპიონთა ლიგის ზონაში დაბრუნება და ტიტულებისთვის ბრძოლა იქნება.