"ზოგჯერ განვითარება ცვლილებებს მოითხოვს" - თოფურიების 13 წლიანი ისტორია სრულდება

მრავალწლიანი თანამშრომლობის შემდეგ, ილია და ალექსანდრე თოფურიებმა Climent Club დატოვეს. ეს გადაწყვეტილება მიღებულ იქნა საერთო შეთანხმების საფუძველზე და სიმბოლურად ასრულებს მნიშვნელოვან ეპოქას როგორც ქართველ მებრძოლთა კარიერაში, ისე ესპანურ კლუბის ისტორიაში.

ძმებმა თოფურიებმა კარიერის ახალი ეტაპი მადრიდში გააგრძელეს, ხოლო Climent Club ალიკანტეში დარჩა. კლუბსა და სპორტსმენებს შორის დაშორება არა კონფლიქტს, არამედ პროფესიული მიმართულებების ცვლილებას უკავშირდება. როგორც ირკვევა, ილიასა და ალექსანდრეს სურვილი იყო განვითარების ახალი გზების ძიება და განსხვავებულ გარემოში თავიანთი უნარების დახვეწა.

Climent Club მრავალი წლის განმავლობაში თოფურიების კარიერის საძირკველი იყო – სწორედ აქ დაიწყეს მათ პროფესიული აღმასვლა და ჩამოყალიბდნენ მაღალი დონის მებრძოლებად. კლუბის მთავარმა მწვრთნელებმა მადლობა გადაუხადეს ძმებს ერთგულებისა და მიღწევებისთვის და წარმატება უსურვეს მათ ახალ თავგადასავალში.

ილიამ და ალექსანდრემაც საჯაროდ გამოხატეს მადლიერება კლუბისა და მთელი სამწვრთნელო შტაბის მიმართ, რომელმაც დიდი წვლილი შეიტანა მათი კარიერის განვითარებაში. როგორც ილია თოფურიამ აღნიშნა, ეს ნაბიჯი ემსახურება მომავალში უკეთესი შედეგების მიღწევას:

"ეს გადაწყვეტილება ადვილი არ ყოფილა. Climent Club ჩვენი მეორე ოჯახი იყო. თუმცა ზოგჯერ განვითარება ცვლილებებს მოითხოვს. მადრიდში გადანაცვლება ახალი გამოწვევაა და ყველაფერს გავაკეთებთ, რომ ამ ნაბიჯმა შედეგი გამოიღოს."

მიუხედავად ამ გადაწყვეტილებისა, ურთიერთობა მხარეებს შორის მეგობრულად რჩება. ორივე მხარე მზადაა, მომავალშიც გააგრძელოს ერთმანეთის მხარდაჭერა, თუკი ამის საჭიროება იქნება.