შემოგვიერთდით

"ეს ფაქტორი არსენალთან მატჩში ძალიან დაგვეხმარება" - ხვიჩა კვარაცხელია

გუშინ, 12:35

Aa Aa

გაზიარება:

"პარი სენ-ჟერმენის" შემტევმა, ხვიჩა კვარაცხელიამ, კლუბის ოფიციალურ საიტთან ინტერვიუში ჩემპიონთა ლიგის ნახევარფინალში "არსენალთან" მოახლოებულ შეხვედრაზე ისაუბრა.

"ჩემპიონთა ლიგა ის ტურნირია, რომელშიც მონაწილეობის მიღება ყველა ფეხბურთელის მიზანია. აქ გამარჯვება ძალიან რთულია, რადგან მაღალი დონეა და ყველა გუნდი საუკეთესო შედეგისთვის იბრძვის," — აღნიშნა კვარაცხელიამ.

მისი თქმით, ნახევარფინალში გასვლა უკვე დიდი მიღწევაა, თუმცა წინ კიდევ უფრო მნიშვნელოვანი მატჩებია. "ეს ტურნირი თავის სახელზე საუბრობს — ჩემპიონთა ლიგაა და სწორედ ჩემპიონებისთვისაა შექმნილი. თითოეულ შეხვედრაზე, თითოეულ მომენტზე სრულ ფოკუსირებას ვახდენთ," — ამბობს ქართველი ვარსკვლავი.

კვარაცხელიამ ასევე აღნიშნა, რომ "ლივერპულსა" და "ასტონ ვილასთან" წინა თამაშებმა გუნდს დიდი გამოცდილება მისცა: "ვფიქრობ, ინგლისურ კლუბებთან ჩვენი წინა მატჩები "არსენალთან" გასამართ შეხვედრაში ძალიან დაგვეხმარება."