განცხადება საქართველოს რაგბის კავშირის რიგგარეშე საერთო კრების მოწვევის თაობაზე

საქართველოს რაგბის კავშირის პრეს-სამსახური "სრკ-ის" რიგგარეშე საერთო კრების მოწვევის თაობაზე განცხადებას ავრცელებს, რომელსაც უცვლელად გთავაზობთ.

"ა(ა)იპ საქართველოს რაგბის კავშირის გამგეობის მოწვევით, 2025 წლის 26 აპრილს სასტუმრო „Hilton Garden Inn Tbilisi“-ში (მისამართზე: ქ.თბილისი, ილია ჭავჭავაძის გამზირი 64ა) გაიმართება „სრკ“-ს რიგგარეშე საერთო კრება შემდეგი დღის წესრიგით:

სრკ-ს პრეზიდენტობის კანდიდატ(ის)თა საერთო კრებისათვის წარდგენა, კანიდატთა გამოსვლები;
სრკ-ს პრეზიდენტის არჩევა;
სრკ-ს არჩეული პრეზიდენტის მიერ სრკ-ის გამგეობის წევრთა კანდიდატურების წარდგენა დასამტკიცებლად.
სრკ-ს ხმის უფლების მქონე ნამდვილი წევრების მიერ წარმოდგენილი გამგეობის წევრთა წარდგენა და არჩევა.
აჭარის ხმის უფლების მქონე წევრი სუბიექტების მიერ წარმოდგენილი (1) გამგეობის წევრის დამტკიცება.

რეგისტრაციის დაწყების დრო: 13:00 სთ; საერთო კრების დაწყების დრო: 14:00 სთ.

გთხოვთ გაითვალისწინოთ, რომ საერთო კრებაზე (ყრილობაზე) დასწრების უფლება ექნება ნამდვილი წევრის (დელეგატის) ერთ უფლებამოსილ პირს ან უფლებამოსილი პირის წარმომადგენელს, რომელმაც თან უნდა იქონიოს სანოტარო წესით სათანადოდ დამოწმებული მინდობილობა.

კლუბებს (გუნდებს), რომლებსაც შესაძლოა გაუჩნდეთ პრეტენზია გამგეობის მიერ დამტკიცებულ ნამდვილ წევრთა სიასთან და/ან ხმათა რაოდენობასთან დაკავშირებით, უფლება აქვთ 2025 წლის 11 აპრილის ჩათვლით, არაუგვიანეს 15:00 საათისა, წარმოადგინონ თავისი დასაბუთებული წერილობითი განცხადება სრკ-ს გამგეობაში, მიმღები:

ედუარდ ნაჭყებია; ტელ.: 593970099; ელ.ფოსტა: eduard.nachkebia@rugby.ge
ნატალია კურტანიძე; ტელ: 595221002; ელ.ფოსტა: n.kurtanidze@rugby.ge
გამგეობის მიერ აღნიშნული ინფორმაციის გადამოწმებულად და დადასტურებულად მიჩნევის შემთხვევაში, სრკ-ს მიერ მოხდება ნამდვილ წევრთა სიისა და ხმათა რაოდენობის კორექტირება.



სრკ-ს ნამდვილმა წევრებმა პრეზიდენტობის და გამგეობის წევრობის კანდიდატურები უნდა წარუდგინონ სრკ-ს გამგეობას არაუგვიანეს 2025 წლის 16 აპრილისა, 15:00 სთ.

კანდიდატურების წარდგენა უნდა მოხდეს წერილობითი ფორმით სრკ-ს ცენტრალურ ოფისში, მისამართზე: თბილისი, ჭაბუა ამირეჯიბის გზატკეცილი #6, საოფისე ფართი #3, მე-3 სართული, მიმღები:

ედუარდ ნაჭყებია; ტელ.: 593970099; ელ.ფოსტა: eduard.nachkebia@rugby.ge
ნატალია კურტანიძე; ტელ: 595221002; ელ.ფოსტა: n.kurtanidze@rugby.ge


დანართები:

საქართველოს რაგბის კავშირის 2025 წლის 28 მარტის გამგეობის სხდომის ოქმი;
სრკ-ს ნამდვილ წევრთა სია (2025 წლის მონაცემებით)
2025 წლის 26 აპრილს გასამართი საერთო კრების რეგლამენტი (დანართი #2)
4.1. პრეზიდენტობის კანდიდატურის წარდგენის ფორმა

4.2. პრეზიდენტობის კანდიდატის თანხმობის ფორმა

5.1. გამგეობის წევრობის კანდიდატურის წარდგენის ფორმა

5.2. გამგეობის წევრობის კანდიდატის თანხმობის ფორმა"

- ვკითხულობთ გამოქვეყნებულ ინფორმაციაში.