შემოგვიერთდით

რაგბი ევროპა | საქართველო შვეიცარის ოთხი დებიუტანტით დაუხვდება

30-01-2025, 18:31

Aa Aa

გაზიარება:

ბორჯღალოსნების მთავარმა მწვრთნელმა რიჩარდ ქოქრილმა 2025 წლის რაგბი ევროპის ჩემპიონატის პირველი მატჩისთვის სათამაშო შემადგენლობა დაასახელა და მასში ოთხი დებიუტანტია.

წლის პირველ შეხვედრას ჩვენი გუნდი 1 თებერვალს 16 საათზე, თბილისში, „ავჭალაზე“ შვეიცარიის წინააღმდეგ გამართავს.

დებიუტანტებიდან სამი სასტარტო შემადგენლობაშია - კვაჭი ირაკლი ქვათაძე, ფრთა შალვა აფციაური და ფულბეკი დაჩი პაპუნაშვილი, ხოლო გიორგი ხაინდრავა თამაშში მარქაფიდან ჩაერთვება.

შერკინების პირველ ხაზში თამაშს იწყებენ ნიკა აბულაძე და ლუკა ჯაფარიძე; მეორე ხაზში მიხეილ ბაბუნაშვილს ლადო ჩაჩანიძე შეუწყვილდება; მესამე ხაზში კი ბექა შვანგირაძეს, ბექა საღინაძეს და ლუკა ივანიშვილს ვიხილავთ.

ღერძზე სასტარტო შემადგენლობაში გელა აფრასიძე და ლუკა მატკავა დადგებიან; ცენტრში თორნიკე კახოიძე და გიორგი კვესელაძე შეწყვილდებიან; ხოლო მეორე ფრთა აკაკი ტაბუცაძე იქნება.

პირველი ხაზის მარქაფაში ვანო კარკაძე, ლუკა გოგინავა და ირაკლი აფციაური არიან; მეორე ხაზში გიორგი ჯავახია შევა; ხოლო მესამეში ილია სპანდერაშვილი. 9 ნომრის შეცვლაზეა მიხეილ ალანია, ხაზს კი ხაინდრავასთან ერთად დავით ნინიაშვილი გააძლიერებს.

შვეიცარიასთან ბორჯღალოსნებს ბექა საღინაძე უკაპიტნებს, რომელიც გუნდს აქამდე სამჯერ გაძღოლია.

შეგახსენებთ, 2025 წლის რაგბი ევროპის ჩემპიონატი ამავდროულად 2027 წლის მსოფლიო თასის შესარჩევი ეტაპიცაა. ავსტრალიის საგზურს ევროპიდან 4 მოწინავე გუნდი მიიღებს, მეხუთე კი რეპეშაჟში ჩაერთვება.

2025 წლის რაგბი ევროპის ჩემპიონატი

(2027 წლის მსოფლიო თასის შესარჩევი ტურნირი)

ა ჯგუფი. I რაუნდი. 1 თებერვალი (შაბათი)

თბილისი. ავჭალა. 16:00 საათი

საქართველო - შვეიცარია

საქართველო

ხაზი: 15. დაჩი პაპუნაშვილი (ორიაკი), 14. აკაკი ტაბუცაძე (შავი ლომი), 13. გიორგი კვესელაძე (გრენობლი), 12. თორნიკე კახოიძე (შავი ლომი), 11. შალვა აფციაური (შავი ლომი), 10. ლუკა მატკავა (შავი ლომი), 9. გელა აფრასიძე (პერპინიანი);

შერკინება: 1. ნიკა აბულაძე (მონპელიე), 2. ირაკლი ქვათაძე (შავი ლომი), 3. ლუკა ჯაფარიძე (მონპელიე), 4. მიხეილ ბაბუნაშვილი (შავი ლომი), 5. ლადო ჩაჩანიძე (შავი ლომი), 6. ბექა შვანგირაძე (ლიონი), 7. ბექა საღინაძე (ლიონი, კაპ.), 8. ლუკა ივანიშვილი (შავი ლომი).

მარქაფა: 16. ვანო კარკაძე (მონპელიე), 17. ლუკა გოგინავა (მონ დე მარსანი), 18. ირაკლი აფციაური (ლიონი), 19. გიორგი ჯავახია (გრენობლი), 20. ილია სპანდერაშვილი (ვალანსი); 21. მიხეილ ალანია (ორიაკი), 22. დავით ნინიაშვილი (ლიონი), 23. გიორგი ხაინდრავა (ბორდო).