"ამის გარდა მეტს ვერაფერს გეტყვით.." - არნე სლოტის კომენტარი კვარაცხელიაზე

არნე სლოტმა თავი შეიკავა კომენტარის გაკეთებისგან "ლივერპულის" შესაძლო ინტერესზე "ნაპოლის" ვარსკვლავ ხვიჩა კვარაცხელიას მიმართ.

მისი თქმით, სატრანსფერო ისტორიების "99 პროცენტი სიმართლეს არ შეესაბამება".

ქართველი შემტევის საკითხს იგი ინგლისის ასოციაციის თასის მესამე რაუნდში "აკრინგტონთან" მატჩისწინა პრესკონფერენციაზე შეეხო.

"როცა ასე თუ ის ფეხბურთელი რამდენიმე კლუბს დაუკავშირეს, ვიცოდი, რომ მათ შორის "ლივერპულიც" იქნებოდა.

ბოლოს ისიც ვთქვი, რომ 100 სატრანსფერო ამბიდან ბოლოს 99 სიმართლეს არ შეესაბამება. რაზე უნდა დავაკომენტარო, ჭორებზე? ამ თემასთან დაკავშირებით, მეტს ვერაფერს გეტყვით"

- ციტირებს სლოტის სიტყვებს Mirror.

გავრცელებული ცნობებით, კვარაცხელია "ნაპოლის" იანვარში დატოვებს, რადგან კონტრაქტის გახანგრძლივებაზე მოლაპარაკებებმა ჯერჯერობით პროგრესს ვერ მიაღწია.

გავრცელებული ინფორმაციით, "ნაპოლი" 23 წლის ფეხბურთელს დაახლოებით 80 მილიონ ევროდ აფასებს და მის შეძენას "პარი სენ-ჟერმენი" ცდილობს. ქართველი ფეხბურთელით ასევე დაინტერესებული არიან ინგლისის პრემიერლიგის კლუბები, მათ შორის, "ლივერპულიც".