არსენალის თავკაცი, მიკელ არტეტა, პრემიერ-ლიგის თვის საუკეთესო მწვრთნელი გახდა. ეს ინფორმაცია ოფიციალურად დღეს დადასტურდა.
მეთოფეებმა 2022/23 წლების სეზონი იდეალურად დაიწყეს. ლონდონელებმა აგვისტოს თვეში 5 მატჩი ჩაატარეს და ყველა შემთხვევაში მოედანი გამარჯვებულოს სტატუსით დატოვეს.
ეს ესპანელი სპეციალისტისთვის მესამე ჯილდოა მწვრთნელის რანგში (მან ეს ჯილდო გასულ სეზონშიც მოიგო ორჯერ, სექტემბერსა და მარტში). ამჯერად 40 წლის სპეციალისტმა აჯობა ისეთ მწვრთნელებს, როგორებიც ანტონიო კონტე, პეპ გვარდიოლა, გრეჰემ პოტერი და მარკო სილვა არიან.