ქალების მოგების დრო დადგა - ასეთია ჩვენი ჯგუფი ახალ ერთა ლიგაზე

გუშინ, 20:57

Aa Aa

გაზიარება:

რამდენიმე საათის წინ საქართველოს ქალთა ეროვნულმა ნაკრებმა უეფას 2025 წლის ერთა ლიგის ჯგუფური ეტაპის მეტოქეები შეიტყო.

ირის ანტმანის გაწვრთნილი გუნდი C ლიგის მე-2 ჯგუფში მოხვდა, სადაც ჩვენი მეტოქეები კვიპროსი, ანდორა და მალტა გახლავთ.

კვიპროსი ქალთა შორის ევროპაში მე-17 პოზიციაზე გახლავთ, რომელიც ჯგუფის ფავორიტი იქნება. რაც შეეხება ანდორასა და მალტას, ისინი 51+ და 35-ე ადგილებს იკავებენ, საქართველო კი სიძლიერით ევროპის 33-ე ნაკრებია.

C ლიგა ჯამში 6 სხვადასხვა ჯგუფისგან შედგება და B დივიზიონის საგზურებს ჯგუფების გამარჯვებულები მოიპოვებენ.

აქვე გეტყვით იმასაც, რომ ჯგუფური ეტაპის მატჩები 2025 წლის თებერვალში, აპრილსა და ივნისში გაიმართება, პლეიოფი კი ოქტომბერში შედგება.