როგორც იცით, რაგბის მსოფლიო ჩემპიონატი 2023 წლის 8 სექტემბერს დაიწყება და 28 ოქტომბრამდე გაგრძელდება, ხოლო მისი მასპინძელი მსოფლიო რეიტინგის მე-2 ნომერი საფრანგეთი იქნება.
სწორედ მსოფლიო ჩემპიონატისთვის ემზადება საქართველოს ნაკრებიც, რომელმაც რამდენიმე დღის წინ ერთ-ერთი ტესტ-მატჩი სამოას წინააღმდეგ გამართა და საკუთარ კედლებში 19:20 დამარცხდა.
Rugger.info წერს, რომ ბორჯღალოსნები მორიგ ტესტ-მატჩს შოტლანდიის წინააღმდეგ გამართავენ. ცნობისთვის, ჩვენს გუნდს შოტლანდიასთან 5 თამაში და ამდენივე წაგება აქვს.
შეგახსენებთ, რომ საქართველოს ნაკრები მომდევნო შეხვედრას უელსის წინააღმდეგ 19 ნოემბერს გამართავს.