"ამ ხელფასზე ქართველი მწვრთნელიც არ იმუშავებდა" - კალაძე ვილი სანიოლის ანაზღაურებაზე

24-08-2024, 13:45

Aa Aa

გაზიარება:

საქართველოს საფეხბურთო ნაკრების მთავარი მწვრთნელის, ვილი სანიოლის ხელფასი რომ არც ისე მაღალია, ეს ქართველი გულშემატკივრებისთვის არახალი ამბავია.

ყველაფერ ამაზე, სპორტული გამოცემები ჯერ კიდევ ევროპის ჩემპიონატის მიმდინარეობისას წერდნენ - აღნიშნულზე კომენტარი ლეგენდარულმა ქართველმა ფეხბურთელმა და ამჟამად თბილისის მერმა, კახა კალაძემაც გააკეთა.

"სანიოლში ყველაზე მეტად იმას ვაფასებ, რომ მისთვის ფინანსები და თანხა არასდროს მდგარა პირველ ადგილზე. ისეთი ხელფასი აქვს, შესაძლოა გაგეცინოთ - 20 ათასია მისი ანაზღაურება...

შეიძლება ქართველი მწვრთნელიც კი ვერ გვენახა, რომელიც პასუხისმგებლობას აიღებდა და ამ ხელფასზე იმუშავებდა", - განაცხადა კალაძემ.