საქართველოს ნაკრები ევროპის ჩემპიონატს მერვედფინალურ ეტაპზე, ესპანეთის ნაკრებთან განცდილი მარცხის (4:1) შემდეგ დაემშვიდობა.
შეხვედრის მეორე ნახევარში, "ჯვაროსნების" თავკაცმა შეცვლაზე შემოსულ წიტაიშვილს გურამ კაშიასთვის წერილის გადაცემა დაავალა, რომელზეც სავარაუდოდ თამაშის ტაქტიკა უნდა ყოფილიყო დაწერილი.
რუსთავი 2-ის ჟურნალისტის კითხვაზე თუ რა ეწერა ზემოთხსენებულ წერილში, გურამ კაშია პასუხობს: "არ ვიცი, ვერ წავიკითხე. მე ხომ ვერ ვკითხულობ"
შეგახსენებთ, რომ ერთ-ერთ ინტერვიუში ადრე ნაკრების კაპიტანმა განმარტა, რომ დისლექცია აქვს.