სიახლე კიტეიშვილზე - ოთარი პორტუგალიასთან თამაშს შეძლებს?

24-06-2024, 15:23

Aa Aa

გაზიარება:

რამდენიმე წუთის წინ გახდა ცნობილი, რომ ოთარ კიტეიშვილი მაღალი ინტენსივობის ვარჯიშზე გადაერთო, რაც ძალიან კარგი ამბავია!

საქართველოს ნაკრებისა და შტურმის ნახევარმცველი მონტენეგროსთან მატჩში დაშავდა, რის გამოც მან ევრო 2024-ის პირველი ორი შეხვედრა ტრავმის გამო გამოტოვა.

ოთარი აქამდე მხოლოდ ინდივიდუალურ დონეზე ვარჯიშობდა, ახლა კი ალექსანდრე იაშვილმა თქვა, რომ კიტეიშვილი გუნდთან ერთადაც შეძლებს ვარჯიშს.

მოკლედ, ეს ინფორმაცია იმას უნდა ნიშნავდეს, რომ კიტეიშვილი პორტუგალიის წინააღმდეგ შეხვედრას აღარ გამოტოვებს. ჯერჯერობით არ ვიცით თუ რამდენად შეძლებს ის ძირითადში თამაშს, მაგრამ წუთებს რომ მიიღებს, ამის დადასტურება დანამდვილებით შეგვიძლია!