საქართველოს ნაკრების ახალგაზრდა მცველი, ირაკლი აზაროვი უკრაინის ჩემპიონატის ტურის სიმბოლურ ნაკრებში მოხვდა.
23-ე ტურის შეხვედრაში დონეცკის შახტარმა 3:1 რუხს მოუგო, აზაროვმა კი მინდორზე 90 წუთი გაატარა.
ქართველი ფეხბურთელის თამაში Sport Arena-მ გამოარჩია:
"ირაკლი აზაროვს თავის საუკეთესო მატჩი არ ჰქონია, თუმცა რუხთან ის მაინც კარგად გამოიყურებოდა და მეტოქის დაცვას პრობლემებსაც უქმნიდა. ეჭვგარეშე შეგვიძლია ვთქვათ, რომ ქართველმა ამ გამარჯვებაში თავისი წვლილი შეიტანა", - წერს საიტი.
შეგახსენებთ, რომ ბოლო სანაკრებო შეხვედრებისთვის ვილი სანიოლს ირაკლი აზაროვი არ გამოუძახებია.