"ბარსელონას" ახალგაზრდა ფეხბურთელმა პედრიმ საფეხბურთო სამყაროში ყველაზე ხშირად დასმულ კითხვაზე - "მესი თუ რონალდუ?" თავისი პასუხი გასცა.
"რომელია ყველა დროის საუკეთესო ფეხბურთელი, მესი თუ რონალდუ? რა თქმა უნდა, ეჭვიც არ არის, ლიონელი, მაგრამ კრიშტიანუც დიდებულია", - განაცხადა პედრიმ.
ახალგაზრდა ფეხბურთელმა ლიონელთან ერთად "ბარსელონაში" ითამაშა სანამ არგენტინელი "პსჟ"-ს მიაშურებდა.
შეგახსენებთ, რომ პედრი თავის კლუბს ჯერ ვერ ეხმარება, მისი ტრავმიდან დაბრუნების ზუსტი თარიღი ამ დროისთვის უცნობია, მაგრამ მედიკოსები მაქსიმალურად შეეცდებიან, რომ ჩემპიონთა ლიგაზე იგი გუნდს დაეხმაროს.