საქართველოს 26 მარტს უმნიშვნელოვანესი თამაში ელის. თუ ვილი სანიოლის ფორმაციის გუნდი საბერძნეთს მოუგებს, მაშინ საქართველო ისტორიაში პირველად ევროპის ჩემპიონატზე გავა.
როგორც მედიაში დაიწერა, საქართველოსა და საბერძნეთის შეხვედრის მთავარი მსაჯი პოლონელი სიმონ მარჩინიაკი იქნება.
აღსანიშნავია, რომ მარჩინიაკი მსოფილიო ფეხბურთის ერთ-ერთი წარჩინებული არბიტრია და შეცდომებს საკმაოდ იშვიათად უშვებს.
სიმონ მარჩინიაკმა 2022 წლის მუნდიალის ფინალი განსაჯა, რომელიც არგენტინასა და საფრანგეთს შორის შედგა.