გიორგი ჩაკვეტაძის "უოტფორდი" ინგლისის ჩემპიონშიპის 36-ე ტურში "სუონსის" დაუპირისპირდა, შეხვედრა ფრედ, 1:1 დასრულდა.
24 წლის ჩაკვეტაძე სათადარიგო იყო, თუმცა იგი მოედანზე 43-ე წუთზე შევიდა, როცა უოტფორდი 0:1-ს აგებდა. ტაიმის მიწურულს გიორგიმ ყვითელი ბარათიც მიიღო. 57-ე წუთზე ჩაკვეტაძემ კუთხური ჩააწოდა და მისმა თანაგუნდელმა ანგარიშის გათანაბრება მოახერხა.
საფეხბურთო სტატისტიკების ვებსაიტმა Sofascore, ჩაკვეს ასპარეზობა მატჩში 8.0-ით შეაფასა.
უოტფორდი 36 ტურის შემდეგ 45 ქულით მე-13 პოზიციაზეა და 9 მარტს ქოვენთრის უმასპინძლებს.