"მამუკა ჯუღელი ნაპოლიზე ამის კეთებით წნეხს ზრდის" - იტალიაში კვარას აგენტზე წერენ

29-02-2024, 17:00

Aa Aa

გაზიარება:

ერთ-ერთმა ყველაზე პოპულარულმა იტალიურმა გამოცემამ, კერძოდ La Gazzetta dello Sport-მა სტატია ხვიჩა კვარაცხელიას აგენტზე გამოაქვეყნა.

როგორც იტალიელები წერენ, მამუკა ჯუღელი თავისი უკანასკნელი განცხადების გაკეთებით ნაპოლიზე ზეწოლის მოხდენასა და წნეხის გაზრდას ცდილობს.

აი, რა თქვა მამუკა ჯუღელმა სულ ცოტა ხნის წინ:

"ბარსელონა თუ პარი სენ-ჟერმენი? რა თქმა უნდა, ევროპის საუკეთესო კლუბებისგან არის შემოთავაზებები, სხვანაირად როგორ იქნებოდა?"

"ყველაფერი უფრო ნათელი მაისში გახდება", - თქვა ხვიჩა კვარაცხელიას სპორტულმა აგენტმა.

დიდი ალბათობით, მამუკა ჯუღელის ეს კომენტარი ტაქტიკური სვლაა, რათა ნაპოლიში ხვიჩა ნაკლებად შეცვალონ და უფრო მეტი პრიორიტეტი მიანიჭონ.