დინამო თბილისისა და საქართველოს 21-წლამდელთა ნაკრების ფეხბურთელი, საბა ხვადაგიანი კარიერას მაკაბი ნეთანიაში გააგრძელებს.
ქართველი ცენტრალური მცველის ახალი კლუბი ისრაელის რანგით უმაღლეს ლიგაში 19 ტურის შემდეგ 24 ქულით მე-6 პოზიციაზეა.
21 წლის მცველი დინამო თბილისის აკადემიის აღზრდილია. საბამ კლუბის მაისური ეროვნულ ჩემპიონატში 81-ჯერ მოირგო და 3 გოლი გაიტანა. ხვადაგიანი ახალგაზრდული ნაკრების კაპიტანია და 16 შეხვედრაში 2 გოლიც აქვს გატანილი. ქართველს ეროვნულ ნაკრებში ერთი შეხვედრა აქვს ჩატარებული, ბულგარეთის წინააღმდეგ.