UFC-ში მოასპარეზე ქართველი მებრძოლი ილია თოფურია, რომელსაც სულ მალე საჩემპიონო ბრძოლა ელოდება, სოციალურ ქსელში შვილთან ერთად გადაღებულ ფოტოებს აქვეყნებს და თავის ზე-მოტივირებულ განწყობას გულშემატკივარს უზიარებს:
"სულ რაღაც 4 კვირაში, გვარი- თოფურია მსოფლიო გამარჯვების სინონიმად იქცევა.
თუმცა, გამარჯვება ჩვენთვის ყოველთვის ერთადერთი გამოსავალი იყო." - წერს თოფურია.
შეგახსენებთ, რომ UFC-ს ქამრის მოსაპოვებლად ქართველი სპორტსმენი და ავსტრალიელი ალექსანდრ ვოლკანოვსკის დაპირისპირება UFC-ის ქამრისთვის იქნება. მათი ბრძოლა 18 თებერვალს შედგება და რა თქმა უნდა, საღამოს მთავარი ბრძოლაც იქნება. აქვე იმასაც გეტყვით, რომ იმავე ღონისძიებაზე იბრძოლებს მერაბ დვალიშვილიც, რომლის მოწინააღმდეგე ჰენრი სეხუდო გახლავთ.