ესპანეთის სუპერ თასის პირველ 1/2-ფინალურ შეხვედრაში მადრიდული დერბი გაიმართა, რომელშიც რეალმა ატლეტიკოს 5:3 მოუგო და ფინალში კვალიფიცირდა.
გუშინ, ბარსელონასა და ოსასუნას დაპირისპირებაში მეორე ფინალისტიც გავარკვიეთ, - ის ბარსელონა იქნება, რომელმაც ოსასუნას 2:0 მოუგო.
ბარსელონასა და მადრიდის რეალის დაპირისპირება სულ მალე, 14 იანვარს შედგება. აღნიშნული მატჩი 23:00 საათზე დაიწყება.
სხვათა შორის, ესპანეთის სუპერ თასის ბოლო ფინალშიც ელ კლასიკო ვიხილეთ, რომელიც ჩავი ერნანდესის გუნდმა 3:1 მოიგო.