საქართველოს ყინულის ჰოკეის ნაკრებმა ზამთრის ოლიმპიადის საკვალიფიკაციო ტურნირზე ბოლო მატჩი ჩაატარა და ტაილანდის ნაკრები დიდი ანგარიშით დაამარცხა.
საქართველოს ნაკრები სამივე პერიოდში დიდ უპირატესობას ფლობდა, რის შედეგადაც მეტოქეს 10:0 სძლია. პერიოდების მიხედვით კი ანგარიში ასეთი იყო - 3:0, 4:0 და 3:0.
ეს მატჩი ჯგუფში მესამე ადგილის მფლობელს არკვევდა, რაც ოლიმპიადის საგზურისთვის არ გვყოფნიდა. ტაილანდის განადგურებამდე, საქართველო ნიდერლანდებთან (2:8) და ესპანეთთან (1:5) დამარცხდა და საბოლოოდ, 3 ქულით ჯგუფში ბოლოსწინა ადგილი დაიკავა.