კიტეიშვილი სასტარტოდან, "შტურმი" იგებს - რა შეფასება დაიმსახურა ქართველმა?

11-12-2023, 01:41

Aa Aa

გაზიარება:

ავსტრიის ბუნდესლიგის მე-17 ტურის შეხვედრაში, სადაც ერთმანეთს ოთარ კიტეიშვილის გრაცის "შტურმი" და "ალტახი" დაუპირისპირდნენ, ძირითად შემადგენლობაში მოგვევლინა ქართველი ნახევარმცველი.

გრაცელთაგან ერთადერთი და გამარჯვების მომტანი გოლი, მასპინძელთა ახალგაზრდა ფორვარდმა სეედი იატამ შეაგდო და გუნდს გამარჯვება მოაპოვებინა. კიტეიშვილმა მწვანე მინდორზე 72 წუთი დაჰყო, რის შემდეგაც იგი მთავარმა მწვრთნელმა გამოცვალა, აღნიშნულ დროში 27 წლის მოთამაშემ sofascore-სგან შეფასების სახით 6.9 ქულა დაიმსახურა.

"შტურმი" 37 ქულით მეორე ადგილზეა, ლიდერ "ზალცბურგს" 2 ქულით ჩამორჩება. მომდევნო შეხვედრას 15 დეკემბერს ევროპა ლიგაზე, ლისაბონში, "სპორტინგთან" ჩაატარებენ.