მანჩესტერ სიტის ნორვეგიელი თავდამსხმელი ერლინგ ჰოლანდი ტრავმირებულია.
სამწუხაროდ ჯერჯერობით მისი ტრავმის სიმძიმეზე ინფორმაცია არ ვრცელდება და არავინ იცის რამდენ ხანს იუქმებს შემტევი.
ჰოლანდმა დაზიანება "ასტონ ვილასთან" შეხვედრაში მიიღო, სადაც "სიტი" დამარცხდა კიდეც.
პეპ გვარდიოლამ "ლუტონთან" მატჩამდე ჰოლანდის დაზიანებაზე ასეთი კომენტარი გააკეთა:
"მას ფეხის ძვალზე აქვს პრობლემა, ამიტომ არ ითამაშებს. არ ვიცი, რამდენ ხანს მოუწევს დასვენება." - განაცხადა პეპმა.
ერლინგ ჰოლანდმა წელს ყველა ტურნირზე 22 შეხვედრაში 19 გოლის გატანა მოახერხა.