იტალიური ნაპოლის ნიგერიელი შემტევი ვიქტორ ოსიმენი სერია A-ს 2022/2023 წლების სეზონის საუკეთესო თავდამსხმელია - ინფორმაციას ამის თაობაზე იტალიის ჩემპიონატის ოფიციალური ვებ-გვერდი ავრცელებს.
როგორც ირკვევა, 24 წლის ფორვარდი კუთვნილ ჯილდოს სერია ა-ს ბოლო ტურის მატჩის დაწყებამდე მიიღებს, რომელშიც ნაპოლი სამპდორიას დაუპირისპირდება.
ცნობისთვის, ოსიმენმა სერია ა-ს მიმდინარე სეზონში 31 მატჩში მიიღო მონაწილეობა და თავის გამოჩენა 25 გოლითა და 5 საგოლე გადაცემით მოახერხა.