როგორც გავლენიანი იტალიური გამოცემა Calciomercato იტყობინება, პორტუგალიელმა ფეხბურთელმა, მარიო რუიმ “ნაპოლის” ულტიმატუმი წაუყენა, რომლის არშესრულების შემთხვევაში 31 წლის მოთამაშე კლუბს დატოვებს.
რაში მდგომარეობს საქმე - ზემოთაღნიშნული წყარო წერს, რომ მარიო რუის სურვილია, ძირითადი შემადგენლობის შეუცვლელი წარმომადგენელი იყოს. თუ ეს ყოველივე არ შესრულდება, ფეხბურთელი ზაფხულის სატრანსფერო ფანჯრის პერიოდში “პარტენოპეის” დატოვებაზე იფიქრებს.
იტალიის ჩემპიონატში მიმდინარე სეზონში პორტუგალიელმა 29 შეხვედრიდან 21-ში მიიღო მონაწილეობა. მის ანგარიშზე 6 საგოლე გადაცემაა.